من قصايدالحاجه الحرم محمدبنيامين***حبوبتي***

[size=18]اسم القصيده**رحله الافنديه***

تعريف الشاعره//
هي الحاجه الحرم محمد بنايمين ولدت حوالي عام 1920
هي من اهلكم السحاباب والقلوباب
والده عبدالغفار /اسماعيل/ اسحق
فاطمه/امي/بنت وهب* زينب
متع الله والدتنا الحرم بالصحه والعافيه

قصه القصيده//
تجمع ابناء العبابسه في احدي الاجازات بالكربه
وقررو قيام رحله عن طريق صيد الغزال في الخلاء بواسطه
بندق جعفرمحمدادريس
ولكنهم زهبو ولم يجدو الغزال وعطشو وعادو منهكين
ساحاول اتذكر جزء من هذه القصيده

القصيده تقول//

رحله الافنديه البقت مكتوبه
وقت قايمن وفد دايرن تضربو قلوبه
اكان نفرين كفي لشله مامضروبه
جعفر يوم وقف لابس حربي
وقفو وصفقو له الكربه دايره تتقلبي
بسم الله الكريم يادي الغزال تضربي
ناكل نحن فوق والحله بتتطربي
تعالو اتحدثو بالرحله كيف اسبابا
قالو لي عبدالغفار فوق الصلعه خات كسكته الهبابا
في الخرج شايل سكينه مطرقه دابا
الامين وقف لما الحجاره خرابه
دا الحم الحلوماتملوهو لينا ترابا
******القصيده طويله لاحقا ننشرها اذا حبيتو***الفكي مكي [/size]

الأخ العزيز فكي

********* التحايا لك ولحبوبة الحاجة الحرم وكل عام وأنتم بخير .



الحقيقة أنا من أشد المعجبين بحبوبة الحرم وأشعارها واتذكر لما كنا بنجئ الكربه فى الإجازة دائماَ بنطلب منها تقول لينا من شعرها و آخر مرة قابلتها في الإجازة اسمعتني أبيات عاملاها للأخ أحمد الأمين ,لكن يا فكى أنا مصفى ما زي مصطفى ما شاء الله تبارك الله ذاكرته حديد.

التحايا لحبوبة الحرم ومتعها الله بالصحة والعافية والتحايا للعمة العزيزة فاطمة و لنا معها ذكريات حلوة فى الدمام , التحايا لجميع الأهل بعطبرة بدون فرز.

[size=29]شكرا هدي هرون[/size]

[b]سنعطيكم المزيد قريبا[/b]

سلام شديد مني لحبوبتي الحرم و سلام شديد من أمي لحبوبتا الحرم، ربنا يحفظا ويديها العافية و طول العمر