قرابة واحدة .... هل تكفي ؟؟؟

مشرف عدد الرسائل : 216 تاريخ التسجيل : 14/11/2007

سوف امكث قليلا في هذا المنتدى لتنشيطه ( منتدى القرابات و الأنساب ) لأقدم موضعين هذا أحدهما ، ارجع لعنوان اللموضوع : قرابة واحدة هل تكفي ؟

سألني يوما جمال الدين تاج السر عن العلاقة بين الشيخ محمد وجمال الدين ، فاسقط في يدي واكتشفت أنني طيلة هذه السنين لا أعرف صلة القرابة بين أمي و أبي اكتفيت بأن اهل ابي اعمامي واهل امي اخوالي والسؤال عن العلاقة بين جمال الدين والشيخ محمد سؤال حصيف ، لا يخفى على المتأمل هذا التصاهر الذي حدث بين العائلتين وهو أكثر من أي اختلاط حدث بين أبناء الشيخ محمد وأي فرع آخر ..

تكرر مثل هذا السؤال وهذه المرة من داخل بيتي ، سألني اولادي عن العلاقة بين هارون والرسالة ، ولم أدر بماذا اجيب وتركت الأمر لأمهم ولا ادري كيف أجابت ولكنها حاولت .

ومثال ثاني مع إن الأمر محرج قليلا ، فكثيرون لا يرضون أن يقول لهم أحد اقربائهم إنني لا اعرف صلة قرابتك وانا هنا أفعل تحدوني ثقتي في وعي وحلم الذين ساضرب بهم المثل وهم أبناء الأمين والشريفي مصطفى ، اولاد الشريفي أمهم ابنة عمتي وانا خالهم واولاد الأمين اولاد خالتي ، لقد اكتفيت بهذه العلاقة الواضحة وظلمت آباءهم ، سألت قالوا لي أن حبوبة العطية عمة جمال الدين ،

أولاد محمد الخليفة طويلب ، اكتفيت بأنهم أولاد خالتي أم حجيل ولم أزد وكنت لا أدري كيف أنادي المرحوم طويلب وكنت الجأ للحيلة فأناديه بكلمة يا حاج .

إنني اقر واعترف بجهلي في هذا المجال ، ولا بد أن كثيرا من الأعضاء سيصدمون من قولي هذا لأنني أمثل لهم عجوز المنتدى والعجوز حري به أن يكون اكثر علما بالقرابات من الآخرين .

ناقشوا الموضوع : هل قرابة واحدة تكفي ؟؟؟؟؟؟؟؟؟؟؟؟؟؟؟؟؟؟

]

خريش فى مداخله ببوست فى منتدى الصور
(عمتي العطية أمها هديدة بنت الخزين أخت محمد أحمد الخزين (الذي ورد في قسيمة عمتي سكينة)
و هو والد مصباح (جدك يا زيد !!!! و عمار كمان ) يعني عمة حاجة محاسن بت عمة ابوها
اما من ناحية ابوها فهي أخت نور الدين أبو جمال الدين ( جدك يا مصطفى !!!!!)
سلامي و تحياتي للاخ الامين الشريفي و اطلب من ابنه حاتم ان يصحح لي هذا الواجب عنده )

يامصطفى بينى وبينك طبعا قرابه واحده مفروض ماتكفى لكن الجميع عندهم المشكله دى ...مرات بعد الناس بيخلى الواحد ماسك فى اوضح قرابه وزى ماقلت تاثير التزاوج والاختلاط بيخلى الواحد يحصر علاقته فى قرابه واحده....انا غايتو جيتى الخرطوم خلتنى اعرف العلاقه بى ال جمال الدين ولو رجعت لى كتير من مداخلاتى معاك بقول ليك فيها الخال والاخ فاخير ليك اكتر من قرابه عشان تعزل بين الخال والاخ دى....طبعا اول ايامى فى الخرطوم ناس احمد عبد الرحمن بينى وبينك حجرونى القطيعه فى ناس جمال الدين اول ماادور اقطع ينطو ليك اها انت من وين....

مشرفة عدد الرسائل : 67 تاريخ التسجيل : 10/12/2007

والله علاقة واحدة لا تكفي وفي ناس كتيرين الواحد قرابته قوية جدا معهم ولا يعرفهم ونحن طبعا من جهة ابوي ناس شيخ امحمد ظاهرة ومن جهة أمي برضو حاج الفكي واضحة بس ليهم قرابات مع ناس الباقير ما قادرة اضبطها وقريب اكتشفت انه عبد الدافع ابو ناس جعفر وجد اولاد سيد احمد الختم ولد خالة جدي الريح كذلك توجد علاقة مع اولاد الشريفي لكني لا افهمها ولنا طبعا اولاد احمد حاج الفكي جد أمي لأمها متزوج من ارتولي ايضا هنا عندنا مشكلة وطبعا ناس كتيرين في الباوقة والتكاويين والقعدة في الحاج يوسف عرفتنا بقرايب كتيرين من الباوقة والحمد لله وأمي من النوع الحافظ ومهتم بالقرابات بس من الناحية دي في تخانة مخ انا اذا طالت اللفة انسى على طول

مشرف عدد الرسائل : 77 تاريخ التسجيل : 30/12/2007

الخال مصطفي المامون

تحياتي
لقد زكرت مثالا او مثالين لكن الامثال كثر نرجو من مشرف منتدي الانساب توضيح علاقة جمال الدين بالشيخ محمد

الاخت اميره

مابطول ليكى اللفه قرابتك بى جدى الشريفى ابو ابوى هى نفس قرابه عبد الدافع اولاد خالات

وهن ام الحسن بت ود الامين والده الشريفى
سكينه بت ود الامين والده عبد الدافع
فاطمه بت ود الامين والده جدك الريح

امك وابوى اولاد عم ابائهم اولاد خالات

يعنى انتى بت عمتنا

فى تفاصيل تانيه ماذكرتها عشان القرابه تكون واضحه

مشرفة عدد الرسائل : 67 تاريخ التسجيل : 10/12/2007

شكرا يا سهام على التوضيح فا جأتني بمعرفتك لكتير من العلاقات وانا كنت قايلاك ولد كسلا وما بتعرف شئ لكن ما شاء الله عليك

عليك الله احلف دى من رأسك والله من كراسك

مشرف عدد الرسائل : 36 تاريخ التسجيل : 27/12/2007

من المهم جدا معرفة كافة الجهات المرتبطة بالقرابة أرجو أن يكون هذا البوست بداية للتعريف بمزيد من القرابات ويا مصطفى أبدأ لينا ببحث القرابة بين الشيخ محمد وجمال الدين بالتفصيل

مشرف عدد الرسائل : 243 تاريخ التسجيل : 10/12/2007

ذي ماقال الاخ عمار السجاد سابقا ان سراج الدين فتح الرحمن اخر ماتبيقي لنا من مرجعيات ولما ورد في هذا البوست انقل لكم تحايا عمكم وخالكم سراج الدين الذي تحمس لحكايه النسب وسيجل قريبا وجود دائم بالمنتدي

الخال سراج قال فيما يختص بالقرابه بين الشيخ محمد وجمال الدين
القرابه كالاتي
جمال الدين والشيخ محمد يلتقيان في الحاج سعد
يعني كليهما جده الحاج سعد
وقال جمال الدين من السنيناب
وهو جمال الدين ود جلال الدين ود الحاج سعد
اما الشيخ محمد ود الفكي ود الحاج سعد
وقال ان هناك عددمن الصلات الاخري بين جمال الدين والشيخ محمد

الاخت اميره
عمك سراج الدين بيسلم عليك ويضيف لك ولنا وللجميع المعلومات الاتيه

الشريفي والريح وعبدالدافع اولاد خالات

ومعلومه اخري
سراج الين امو جرمه بنت المقام بنت محمدمديني

مديني ولدو ابراهيم الصديق اخو حاج الفكي

عندما قال لي خالي كدا طوالي تذكرت امك ياميره بتقول لخالي سراج يا ودخالتي

خالي سراج بيسلم عليك تاني وبيقوليك امك مراءه عظيمه وعارفه النسب دا وربنا يديها العافيه وطول العمر

مشرفة عدد الرسائل : 67 تاريخ التسجيل : 10/12/2007

نشكركم على اهتمامكم بالعلاقة وصحيح انه الوالدة تهتم بكل القرابات وأنا اعرف ان الخال سراج الدين له علاقة خاصة بس بالظبط هي شنو ما عارفة شكرا جزيلا للعم والخال سراج وله التحايا وشكرا لك