الابنه ابرار جلال الدين الخليفة محمد ادريس الصف الخامس ابنة شقيقتى تهانى عامله لينا غلبه .... وعامله فيها البت شاعرة كبيرة....عندها محاولات متاثره فيها بى حبوبتها الحاجة ستنا تاج الدين ...وهى محاولة تاليف ابيات ومساعتدتها بالتلحين عند الالقاء....يعنى زى مابيقولن امهاتنا وحبوباتنا ( غنى ) الابيات الجايه دى من تاليفها كدى شوفوها شاعرة ولا لا
مناسبة الابيات هى سفر الحاجة ستنا وابنها جلال للحج هذا العام وهم بمكه الان ندعو لهم بالصحه والعافية وحجه مقبوله ان شاء الله
زايره النبى المرضيه
ياحبوبه لى وصيه
فى مزدلفه أدعى لى
بالنجاح يتممو لى
زايره النبى المرضيه
ياأبوى ليك وصيه
جنب البيت ادعى لينا
الرسول يشفع لينا
وبس ( اواب ) ينجحو لينا
زايره النبى المرضيه
ياحبوبه ليك وصيه
من الدعوات كترى لينا
وجنب المصطفى ادعى لينا
بس ( خباب ) يسمعو لينا
زايرة النبى المرضيه
ياأبوى لى وصيه
من الدعوات كتر لينا
طالبه من الله يقضى امرى
الحجه الجايه لى أمى
.......
انتهت الابيات اواب وخباب هم اشقاء ابرار ... الابن خباب ولد يعانى من مشكله فى السمع ندعو له بالشفاء