حلاوه كرمله...شدرة سنط والحماره...حمطه فى النديب...رحمةالله عليك جدنا المأمون...ما ذكر أولا/ أشياء فى الذاكره محفوره حفر...كان رحمة الله عليه يجى الشريك بحمارته وكنا الزمن داك فى الشريك/ فى شدرة سنط جنب بيتنا خلف مبنى محطة السكه حديد/ينزل السرج والخرج ويجى البيت يدينى حلاوه كرمله ويقول لى أمش أربط الحماره فى الشدره....أما حمطة النديب يوم كان متغدى معانا وكنتا بغسل ليهو بالإبريق الظاهر سرحتا وكبيت ليهو المويه فى جلابيته حمطنى فى رجلى/ بالك وين....لاأذكر بعدها أنى أخطأت فى الغسيل...من الأشياء الغريبه كل مريت على الشريك لازم أعاين على الشدره