من السحاره

موضوع: رد: من السحاره السبت يناير 19, 2008 1:51 pm

الاخ الباقر تحياتى
غايتو ماعارف باقى الناس هل مرو مرور الكرام على الوثيقه اعلاه ولا حصل ليهم الحصل لى...ومنه اول حاجه فكرت فى الفتره ديك والتاريخ وهو نفس العام بتاع ثورة 1924 ضد الاستعمار والكلام ده برضو بعد فتره بسيطه من الحرب العالميه ... وجدك عرس فى 2 شعبان شهر واحد والعيد حكايه ربط الاعراس بالاعياد دى ماكانت فى ولا شنو... وكانت مربوطه بى شنو... وسرحت اتخيل كيف هى حال الناس...لكن يبدو انو الروقه فى لانو المهر الحالى بيد الزوجه ....مشروع عديل...بينى وبينك قمت رجعته لى قسيمتى قلت اشوف ام امانى كان حقها المسجل كم لقيتها خمسين الف بالقديم ...ودى منها عاوز اسال عضوات البورد المتزوجات...المهر قبضتيه فى يدك وسويتى بيهو شنو ...ولمن ارجع بسال ليكم ام امانى

عضو عدد الرسائل : 67 تاريخ التسجيل : 25/11/2007

والله ياسهام السحاره ابداااااااااع ومنتظرين المذيد

موضوع: رد: من السحاره الأحد يناير 20, 2008 10:44 pm

شكرا صاحب السحارة

رغم انى قصدت الاقتحام ليجود لنا البقيه بمايملكون

لكن يظهر عليهم بخلوا علينا

حقيقه كان المرور مرور الكرام

(ذكرت من الحضور مصباح محمد احمد والمقصود محمد احمد الخزين والدة لهم المغفرة )

موضوع: رد: من السحاره الإثنين يناير 21, 2008 2:26 pm

احب اوضح ان المأذون الطيب احمد سعد هو جدي ابو امي (عائشة بنت الطيب ) اخو جدي ابراهيم القاضي ( جدك يا منى حسن القاضي !!!!!!!!!)

وهو الطيب بن القاضي احمد (على وزن القاضي عياض) ابن الفكي سعد وقد سمي على جده ابو امه الفكي سعد ابن الفكي امحمد ابن الحاج سعد (العباسي النسب المالكي المذهب )
اما اولاد الفكي امحمد (اربعة ) والثلاثة الآخرين هم :-
الخليفة و هو ابو:- الحسين (جد الشيخ محمد و الحسين ) والفكي مكي (جد المكياب ) و الامين (جدطويلب وحمدتوالكبير من امه الحاجة زينب بنت الفكي امحمد( الصغير) ود الامين)
الفكي مصطفى و هو جد حاج الفكي (جدك يا أميرة من ناحية الاخت ام الكرام لها تحياتي)
الرابعاوي و هو جداهلنا الرابعاب بالباقير و اولاد عبد الرحيم بفتوار أخوان الحاجة سكينة (لها تحياتي و امنياتي بالصحة و العافية )
ارجو من الاخ سراج الدين فتح الرحمن (عراب العبابسة )ان يصححني مع اعتذاري عن الخطأ

موضوع: رد: من السحاره الإثنين يناير 21, 2008 2:42 pm

شكرا يا خريش معلومات قيمة نختشي ان نسأل عن بعض العلاقات اخفاء لجهلنا

موضوع: رد: من السحاره الإثنين يناير 21, 2008 4:34 pm

الاعزاء
الكاظم
خريش
المنصور
شكرا كتير على المرور والتعليق
الخال خريش شكرا كتير على التعليق وده كان قصدنا من انزال مثل هذه الوثيقه عشان تطلع معلومات زى دى وبتكون بسيطه ومربوطه مع الحدث لك الشكر

موضوع: رد: من السحاره الإثنين يناير 21, 2008 7:43 pm

شـــــــــــــــــكرا للجميع للمرور والتعقيب

اصحاب الوثيقه اجدادى تاج الدين ادريس المكى والحاجه سكينه الشيخ محمد وهى تومه الحاجه نفيسه الشيخ محمد عليهم رحمه الله جميعا

اولادهم الخال عبدالرحمن والخاله محمد الامين عليهم رحمه الله ووالدتى الحاجه ستنا ربنا يديها الصحه والعافيه

وحسب معلوماتى انى حبوبتى لم تعش كثير بعد تاريخ هذا القسيمه

وتزوجى جدى بعدها 4 زوجات ولم يرزق بمولد بعد حبوبتى

وتوفى عام 1979م وفى عصمته زوجته الاخيرة امنه المامون عليها رحمه الله
وهى من الرباطاب الذى استوطنو امدرمان حى الموردة [/size

( [size=24]ممكن القسيمه دى تكون نقطه لتواريخ كتيرة يعنى مثلا كما ذكرتى امى ان حبوبتى توفت بعد اقل من عشر سنوات من زواجها وكان ذالك مصادف زواج شقيقها محمد الحسن الشيخ عليهم رحمه الله)

]

[size=24]اعود لاقتحام السحارة

المرة دى معاى جنيه (سهام الدين بتكون اتعاملت بيه )

فى زمنو كان ممكن يكون ماهيه زول [/size]
من السحاره - صفحة 2 Img0062cy0

الباقر يعنى سنه 1966 انا كنت قاعد اصرف ماهيه ولا شنو

وأرجو ياسهام الدين أن تعلق على المواضيع هذه :

*ست الإسم

*اللافته المعلقه على باب منزلكم بإشلاق البوليس (منزل الشريفى مصطفى الرباطابى

* أزرق

مع خالص تحيا تى

ياخال دى مواضيع جاهزه اكتبها لينا انت

اليوم اكتشفت انو فى ناس كتار مرت عليهم كلمه ازرق فى المنتدى وماعارفين المقصود منو

سهام الدين الشريف كتب:: اليوم اكتشفت انو فى ناس كتار مرت عليهم كلمه ازرق فى المنتدى وماعارفين المقصود منو

ده منو الما عارف؟؟؟

مشرف عدد الرسائل : 77 تاريخ التسجيل : 30/12/2007

[size=24]لي الماعرفنو يا باقر ده كان اسمو الجنيه ابو جمل و اظن كان بيساوي اتنين دولار في زمنو .

(عاشت الانقاذ )[/size]

مصطفى المامون فى بوست الاميريه
(بعد خروجي من اللجنة في طريقنا إلى السوق ، دلف عمي المرحوم
خليفة الشيخ
-
الذي كان يصطحبني في اللجنة
- إلى مكتب البريد ليرسل برقية إلى أبي الموجود
في بورتسودان ( كان في طريقه للحج على رأس فوج من حجاج المنطقة ، فقد كان يعمل
وكيلا لمطوف مكاوي يدعى محمد علي الخضري ).نص البرقية يقول :
بورتسودان ص.ب. 182
المأمون الشيخ بواسطة عثمان حميدة
مصطفى أميرية داخلية
كان عمي رحمة الله عليه رجلا فصيحا ، قضى شطرا من شبابه
بمصر . تأمل ، فهو عنما يقول :
أميرية كأنه يقول قد أفلح ابنك
داخلية تعني كأنه يقول لا تحمل هما ، الحكومة ستتكفل
بالباقي .)

كنا ايضا من المحظوظين حضرنا الداخليه فى الجامعه ....رغم اننا كنا راضين ومستمتعين بمايقدم لنا من سكن واعاشه...الا ان من سبقونا يتحسرون على ايامهم ويشبهون الداخليه بفندق خمسه نجوم...ومن الاشياء التى انتهت بنهايه السكه حديد وكانت من نعم العمل فى الحكومه ...امتياز السفر المجانى بالقطارات...تسريح السفر المجانى للعاملين بالحكومه واسرهم وكم ساهم هذا التسريح فى سفرنا فى العطلات من كسلا الى الكربه...فى رحله تستغرق يومين كاملين نعانى فيها مانعانى الا اننا كنا نستمتع بها رغم هذه المعاناه....
ومايحزننى الان رغم وصول الاسفلت وتوفر العربات الا ان ظروف الحياه حرمتنا من متعه السفر الى البلد,...
الورقه المرفقه صارت من تاريخ السكه حديد.... تسريح سفر من الكربه الى شندى1987م...لم استطع ان اعرف سر احتفاظ جلال به حتى الان
ويامصطفى يمكن تكون مااستمتعت بى تسريح السفر لكن قلنا نحرضك للكتابه عن القطارات والسفر

من السحاره - صفحة 2 Dsc00394gv2

مشرف عدد الرسائل : 77 تاريخ التسجيل : 30/12/2007

انت يا سهام قاعد تمشي شندي كل يوم و تجي و اللا شنو ؟

نشكر لك مساهماتك الثرة

مشرف عدد الرسائل : 216 تاريخ التسجيل : 14/11/2007

سهام الدين الشريف كتب:: ويامصطفى يمكن تكون مااستمتعت بى تسريح السفر لكن قلنا نحرضك للكتابه عن القطارات والسفر

نحن كانت قلوبنا تأكلها الحسرة لأننا لسنا من أولاد الميري عند سيادة دولة الأفندية والناس تردد القول الشائع ( إن فاتك الميري اتردق في ترابه )

طلبك أن أعمل حلقة عن السفر والقطارات قد فعلتها ،، فحلقة " الحكاية شنو يا ستورة " يمكن أن تصنف في هذا المجال

الاخ زاهر
شكرا للمرور ...وبينى وبينك سفرنا كتير لى شندى لكن سببو براهو

الاخ مصطفى

ياخوى الميرى مافاتك كتير وادردقت فى الاميريه والجامعه

وعرفته تتخارج منى بالحكايه شنو ياستوره

مشرف عدد الرسائل : 243 تاريخ التسجيل : 10/12/2007

لكم التحيه جميعا

التصاريح كانت ميزة من ميزات العمل

كل ما كبرت درجه الزول فى شغلو استحقه درجه اعلى فى التصريح

يعنى درجه اولى / ثانيه / ثالثه

حتى فى القيمه مجانا / ربع القيمه

وهى مدفوعه الاجرة بواسطه المصلحه التى يعمل بها الفرد

واصل ياسهام

عاوزين الجديد القديم

موضوع: رد: من السحاره الجمعة يناير 25, 2008 9:05 pm

من المندوس ( السحاره ) العمانيه

* السحاره فى عمان يطلق عليه ( المندوس ) وهى بنفس مواصفات السحاره السودانيه وتستعمل لنفس الغرض .
*من أسماء سلطنة عمان :. ( مجان ) و (مزون )
* اليوم كل العبابسه فى عمان فى ضيافة الفضل وأسرته الكريمه وكانت جلسه جمليه جدا تم فيها ترشيح الاخ / عثمان الشيخ عميدا لعبابسة عموم عمان .
* ويا سهام ومصطفى أفتحوا السحاره ورتبوا لنا الاسماء الاتيه على حسب الاعمار :
جلال خليفه/ محمد السجاد /شمباتى /عثمان الشيخ /جعفر الفكى /مصطفى المامون /المنصور /

موضوع: رد: من السحاره الجمعة يناير 25, 2008 9:31 pm

من المندوس ( السحاره ) العمانيه
أين يتواجد العبابسه فى سلطنة عمان :.
*أسرة الفضل خليفه :.
بمدينة الرستاق وتبعد150ك من مسقط
*أسرة عثمان الشيخ :.
مدينة بهلا 200ك من مسقط

*رحاب وحباب :.
مدينة صلاله 1100ك من مسقط
*صباح ونميرى أولاد على :.
مدينة مسقط حى الخوض
* عبد الله شمباتى :.
مدينة مسقط حى دارسيت الساحل

مشرف عدد الرسائل : 216 تاريخ التسجيل : 14/11/2007

عبد الله شمباتى كتب:: من المندوس ( السحاره ) العمانيه

* السحاره فى عمان يطلق عليه ( المندوس ) وهى بنفس مواصفات السحاره السودانيه وتستعمل لنفس الغرض .
*من أسماء سلطنة عمان :. ( مجان ) و (مزون )
* اليوم كل العبابسه فى عمان فى ضيافة الفضل وأسرته الكريمه وكانت جلسه جمليه جدا تم فيها ترشيح الاخ / عثمان الشيخ عميدا لعبابسة عموم عمان .
* ويا سهام ومصطفى أفتحوا السحاره ورتبوا لنا الاسماء الاتيه على حسب الاعمار :
جلال خليفه/ محمد السجاد /شمباتى /عثمان الشيخ /جعفر الفكى /مصطفى المامون /المنصور /

طبعا يأتي عثمان الشيخ على رأس القائمة ويأتي المنصور في لى ذيل القائمة
الذين يصغرونني بكل تأكيد : جعفر ( ثلاثة شهور)
محمد السجاد
جلال خليفة والشمباتي غير متأكد منهم

موضوع: رد: من السحاره السبت يناير 26, 2008 1:57 pm

يا شمباتي مصطفى اعطاك نصف الحل و الباقي عليك

موضوع: رد: من السحاره السبت يناير 26, 2008 9:26 pm

الاعزاء
الفكى مكى
الباقر
مصطفى
الشمباتى
خريش
اسعدنا مروركم
لكن ياخال الناس ديل يعنى سويتهم مارقين من السحاره يعنى الفى راس القائمه ولا فى نهايتها الله يعينو .....الحمد لله ما ضميتنا ليهم
تحياتى لكل من زكرتهم بالقائمه....